ජීවි දේහයක අඩංගු බහුලතම අකාබනික සංයෝගය ජලය වන අතර මිනිස් දේහයේ 60%ක පමණ ජලය අඩංගු වේ.O පරමාණුවක් H පරමාණු 2ක් සමග කෝණිකව බැදී යමින් ජල අණුව සැදී ඇත.එය ද්වී ධ්‍රැවීය අණුවකි.පහත සුවිශේෂී ගුණ ජලය දරයි.
- කාමර උෂ්ණත්වයේ ද්‍රවයක් වීම.
ජලයට වඩා අණුක භාරයෙන් වැඩි කාබන්ඩයෝක්සයිඩ් සහ අණුක භාරයෙන් අඩු ඇමෝනියා කාමර උෂ්ණත්වයේ දී වායූන් ලෙස පැවතියත් එයට අතරමැදි අවස්ථාවේ පවතින ජලය ද්‍රවයක් ලෙස පවති.මේ නිසා ප්‍රාක් ප්ලාස්මයේ ප්‍රධාන සංඝටකය වන්නේ ජලයයි.
- ධ්‍රැවීයතාවය
ජලය ද්වීධ්‍රැවීය අණුවක් බැවින් ඉතා හොද ද්‍රාවකයකි.විශේෂයෙන් ජලකාමී ද්‍රව්‍යය සදහා මෙය විශේෂය.එබැවින් සර්ව ද්‍රාවකයක් ලෙස හැදින්වේ.
- රසයානිකව උදාසීන වීම
බොහෝමයක් ජෛව රසයානික ප්‍රතික්‍රියා සිදුවන්නේ ජලීය මාධ්‍යයක් තුල දීය.
- අධික විශිෂ්ට තාප ධාරිතාව
ජලයේ සුළු උෂ්ණත්ව වෙනස් වීමකට පවා විශාල තාප ප්‍රමාණයක් විචලනය වේ. එබැවින් අවට පරිසරයේ උෂ්ණත්ව වෙනස් වීමකදී ජීවි දේහ වල උෂ්ණත්වය බොහෝ දුරට නියතව පවති.
- අධික වාෂ්පිකරණයේ ගුප්ත තාපය
ද්‍රව ජලය වාෂ්පිකරණයට හ් බන්ධන බිද හෙලිමට විශාල තාප ප්‍රමාණයක් ලබා දිය යුතුය.එම නිසා ජලය පහසුවෙන් ජලය වාෂ්ප නොවේ.
- අධික වියලනයේ ගුප්ත තාපය
ජලයේ වාෂ්පිකරණයට ප්‍රතිවර්ත ලෙස වියලනය සදහා ද වැඩි තාප ප්‍රමණයක් පිට කල යුතුය. එබැවින් ජලීය පද්ධති පහසුවෙන් මිදෙන්නේ නැත.
- හිමාංකයේදි ජලයේ අසමාකාර ලෙස ප්‍රසාරණය
ජලය සිසිල් වන විට අයිස් බවට පත් වූ පසු (හිමාංකයේදී) ඝනත්වය අඩු වී අයිස් ද්‍රව ජලය මතුපිට පාවේ. එම නිසා ජලාශයක නම් මතුපිට ස්තරය අයිස් වලින් ආවරණය වී ජලජ ජීවින්ට ශීත කාලයේදී නිරුප්‍රදිතව විසීමට හැකි වේ.
- සංසක්ති හා ආසක්ති බල
ජල අණු ජල අණු අතර ඇති වන ආකර්ෂණ බල සංසක්ති බල ලෙස ද ජල අණු හා වෙනත් අණු සමග හට ගන්නා බල ආසක්ති බල ලෙස ද හදුන්වයි. උත්ස්වේදනය හා සෛලම තුලින් ජලය පරිවහනය මීට නිදසුන් වේ.
- ඉහල පෘෂ්ඨික ආතතිය
ජල පෘෂ්ටයක ඇති ජල අණු හා ඒ වට ඇති ජල අණු (විශේෂයෙන් වායුගෝලයේ) සමග හ් බන්ධන වලින් බැදි යමින් ඇති වන බලය පෘෂ්ඨික ආතතිය වේ.දියලිස්සන්නා වැනි කෘමීන්ගේ පැවත්මට මෙය උපකාරී වේ.
- පාරදෘශ්‍ය වීම
මේ හේතුවෙන් ජලජ ශාක වලට සැලකිය යුතු ගැඹුරක වැඩීමට හැකියාව ලැබි ඇත.
ජලයේ කාර්යයන්
- ප්‍රාක් ප්ලාස්මයේ ප්‍රධාන සංඝටක ලෙස
- සන්ධාරණය උදා ද්‍රවස්ථිති සැකිලි
- ද්‍රව්‍ය පරිවහනය උදා රුධිරය
- ව්‍යාප්ති කාරකයක් ලෙස උදා බීජ,ඵල,ජන්මාණු
- බාහිර සංසේචනයේදී චල ජන්මාණු සදහා මාධ්‍යයක් ලෙස
- ජල විච්ඡේදනයේදී ප්‍රතික්‍රියකයක් ලෙස
- ආස්‍රෑතිය සහ ශූනතාව පවත්වා ගැනීම.
- උත්ස්වේදනය හා පරිසංක්‍රමණය
- පූටිකා වල චලනය පාලනය
- ප්‍රභාසංස්ලේෂණයේ ප්‍රධාන අමුද්‍රව්‍යක් වීම
- ජලය අවශෝෂණයෙන් බීජ ප්‍රරෝහණය ආරම්භ වීම
- ස්නේහනය උදා ලසිකා තරලය
- ආරක්ෂාව උදා කදුළු
- පර්යටනය
- සිසිල් වීම
nice creation use google sihala translator
ReplyDelete